:::

夜市來讀冊|葉石濤的故事 後生葉松齡唱予你聽

  • 播出时间: 2022-08-16
  • 按讚加入臺灣夜市Taiwan Yes粉絲團
臺灣夜市Taiwan Yes
葉石濤生葉松齡

來賓:葉石濤後生葉松齡

 

《臺灣男子葉石濤》紀錄片,透過葉石濤的後生葉松齡,分享葉石濤私底下家庭生活,文學內、外,所展現的態度,予人對這位臺灣文學理論定調的關鍵人物,閣較有印象。央廣《臺灣夜市Taiwan Yes》咱就邀請伊的後生葉松齡,來講爸仔囝的感情,佮對後生的影響是啥物,閣有對臺灣文學史有啥物影響。

葉松齡自本愛音樂,是因為爸爸葉石濤攏聽古典音樂,沓沓仔聽,培養興趣。會彈吉他,是因為阿兄買轉來的樂器,阿兄尾仔無咧彈,葉松齡就抾起來,一彈就超過40冬。葉松齡回想爸爸雖然愛音樂,但是唱歌無遐爾仔好聽,「見若咧哼歌,就敢若親像咧刣動物仔咧。」但是無減伊對爸爸的敬愛,感謝爸爸將音樂引入門。

葉松齡回憶,爸爸葉石濤結婚進前,正正是伊坐烏監的時陣。1951年9月被掠,斯當時才26歲,就被安「知匪不報」的罪名,判刑五冬。被掠的時閣予人注射不明的藥物,出獄了後,目睭前猶原攏是幻覺。30歲,坐滿三冬監後減刑出獄,猶是戒嚴時,有幾落冬毋敢閣攑筆寫作。但暗暗佇咧威權統治時代建構出用臺灣為主體的文學理論,成做臺灣意識發展的重要基礎。伊出名《臺灣查埔囝簡阿淘》的形影,就是咧寫伊家己的心境,《臺灣男子葉石濤》的紀錄片,其他人的訪談,嘛透過後生佮袂少人的言談之間,描寫甲真澈底。

节目主持人

相关留言